Zhvillohet Konkursi Kombëtar STEAM+ për Talentet e Reja 2025

Steam+ Albania dhe platforma Sfida, pjesë e  Universitetit Barleti në kuadër të perfundimit të turit të konkurseve rajonale zhvilloi më datë 30 Maj 2025 pranë ambienteve të Kampusit të Ri të Universitetit Barleti, konkursin vjetor më të madh dedikuar talentit dhe aftësive të të rinjve nga i gjithë vendi:“Konkursi Kombëtar STEAM+ për Talentet e Reja 2025”.

Në këtë edicion, morën pjesë nxënës dhe maturantë nga të gjitha rajonet e Shqipërisë, të cilët prezantuan projekte të realizuara në fusha të ndryshme si Shkenca të Natyrës (Biologji, Kimi, Matematikë, Fizikë), Inxhinieri (Robotikë, Elektronikë, Mekatronikë, Elektrikë, Ndërtim, Inteligjencë Artificiale), Teknologji të Informacionit (IT, Programim, Baza të të Dhënave, Rrjeta), Arkitekturë-Dizajn, Arte dhe fusha të tjera të ndërlidhura.

Të gjithë pjesëmarrësit u pajisën me certifikata pjesëmarrjeje, ndërsa finalistët morën çmime dhe certifikata të veçanta për kontributin e tyre në fushat përkatëse. Ky konkurs shërbeu si një mundësi e shkëlqyer për nxënësit dhe maturantët për të ekspozuar dhe zhvilluar aftësitë e tyre në fushat STEAM (Shkencë, Teknologji, Inxhinieri, Art dhe Matematikë).